Чулман

СПОРТ КӨНДӘЛЕГЕ: киләчәк уеннары 17-18 октябрьдә Әлмәт шәһәрендә "Киләчәк (фиджитал) уеннары" фестивале узды. Ярышлар виртуаль һәм реаль спортны берләштерә. Анда катнашучылар фиджитал-футбол, фиджитал-баскетбол һәм фиджитал-хоккейда ярышты. Башта командалар уен приставкаларында уйнады, аннары чын спорт мәйданчыкларына чыкты. 🏒 Фестивальдә КАМА TYRES данын яклаган “Носороги” һәм “Таret” командалары фиджитал-хоккей ярышында чыгыш ясады. 🥉 Валерий Мозокин (НЗГШ), Никита Максимов (ТД) һәм Павел Турцев (НЗГШ) составындагы “Носороги” командасы өченче урын яулады. “Таret” командасында йөк шиналары заводы хезмәткәрләре Илнур Хисмәтуллин һәм Булат Шәйхуллов чыгыш ясады. 💪 Афәрин, егетләр!

УКУ: белем эстәделәр 🎓 Шина комлексының биш хезмәткәре Түбән Новгород шәһәренең Һөнәри белемне үстерү институтында остазлык программасы буенча укыды. Остазлык культурасын яңарту – РФ президенты Владимир Путин инициативасы, аның роле Хезмәт кодексында рәсми рәвештә ныгытылды. 👥 Укуда Россиянең төрле төбәкләреннән килгән 2000 кеше катнашты. Алар арасында танылган компанияләр хезмәткәрләре дә, балалар бакчалары тәрбиячеләре дә бар. Шинчылар җитештерү мәйданчыклары лабораторияләрендә була, 3D-модельләштерү һәм заманча методикалар белән таныша. «Түбән Кама шин» җәмгыятенең сыйфат бүлеге белгече Артем Әхмәтшин: – Безнең өчен иң әһәмиятлесе кейслар белән эшләү блогы булды: һәр «укучы» белән аерым элемтә булдыру, һәркем өчен индивидуаль программа төзү. Остаз – белем бирүче, тапшыручысы гына түгел, ә яңа хезмәткәрнең мөмкинлеген ачарга ярдәм итүче. Синең тәҗрибә кешегә һөнәр юлында үсәргә ярдәм итүен күрү күңелле. 🛠️ Өч көн дәвамында шинчылар программаларның психология-педагогик механизмнары һәм нәтиҗәлелеген бәяләү күнекмәләрен үзләштерә. Индира Шурыгина: - Теория белән беррәттән, эштә сыналган алымнар белән таныштык. Эшли генә башлаган хезмәткәрләр белән элемтә урнаштыру юлларын табу һәм алар өчен шәхси программалар төзү остазлардан яшьләр белән тәҗрибә уртаклашу эшен тизләтергә, адаптация вакытын кыскартырга ярдәм итә. Хәзерге вакытта KAMA TYRESта уку базасы торгызыла, компетенцияләрне тиз һәм нәтиҗәле тапшыру, технологик лидерлыкка ирешү өчен техник тренерлар бүлеге оештырыла. #KAMATYRES #ОстазлыкМәктәбе #Белем